Friday 22 April 2016

గోమాత


"అయ్యో, అయ్యయ్యో! దుర్మార్గులారా! గోమాతని చంపేశారా?"

"అయ్యా.. "

"అమ్మా గోమాతా! నిన్ను రక్షించుకోలేకపొయ్యాం, క్షమించు తల్లీ!"

"అయ్యా.. "

"దేశద్రోహులారా! ఇంక మీక శాస్తి జరగాల్సిందే!"

"అయ్యా.. "

"ఏవిఁటోయ్! ఇందాకట్నుండీ 'అయ్యా! అయ్యా!' అంటూ ఒకటే గోల?"

"అయ్యా! చచ్చింది గుర్రం."

"ఓస్, ఇంతా జేసి ఇక్కడ చచ్చింది గుర్రమా!?"

"అయ్యా! అవును."

"వార్నీ! అనవసరంగా ఎంత కంగారు పడ్డాను! దూరం నుండి తెల్లగా కనిపిస్తే ఆవు అనుకున్నాన్లే!"

(picture courtesy : Google)

No comments:

Post a Comment

comments will be moderated, will take sometime to appear.